Для кожнага жыхара Беларусі першая нядзеля верасня – асаблівая, святочная. Менавіта ў гэты дзень, пачынаючы з 1994 года, наша краіна адзначае Дзень беларускага пісьменства і друку – нацыянальнае свята беларусаў, якія з вялікай павагай ставяцца да роднага слова, нацыянальнай культуры, асветы і літаратуры.
Дзень беларускага пісьменства і друку стаў традыцыйным і ў нашай школе. Вось і сёлета на пачатку вучэбнага года гэтае свята сабрала вучняў 6,7 і 9 класаў. Усе вучні маглі агледзець выставу кніг «Пісьменнасць, кнігадрукаванне, мова: гістарычны шлях». Дзецям былі прадэманстраваны відэафільмы «Францыск Скарына» і «З гісторыі кнігадрукавання». Самыя актыўныя вучні прынялі ўдзел у інтэлектуальнай віктарыне «Ёсць такія імёны…». Свята прайшло цікава і запамінальна.
Расінская Г.М.
Кандраценя А.Л.
Шаціленя К.М.