Беларуская мова вельмі мілагучная, спеўная, прыгожая.  Нездарма многія беларускія паэты прысвяцілі ёй свае вершы. Роднай  прыроды цудоўныя  чары... Гэтая назва гучала ў радках вершаў ціхім шолахам лісця ў лесе, вясёлай гаворкай рачулкі, чыстай расой на прыгожых кветках, якія заўсёды радуюць вока, развітальным курлыканнем журавоў у восеньскім небе, вясёлым гоманам дзяцей падчас  конкурсу чытачоў вершаў на роднай беларускай мове.  Малодшыя школьнікі старанна і адказна рыхтаваліся да конкурсу: чыталі кнігі,  выбіралі  вершы, вучыліся  выразна  іх чытаць, расказваць на памяць.

Другiя фотаздымкі

Журы падвяло вынікі, вызначыла пераможцаў. Усе канкурсанты атрымалі граматы і сертыфікаты ўдзельнікаў. Напрыканцы свята Алена Уладзіміраўна Гаўрыловіч, намеснік дырэктара па выхаваўчай рабоце, прапанавала больш актыўна чытаць творы на роднай мове і  падзякавала вучням і бацькам за актыўны ўдзел у мерапрыемстве, якое праходзіла  ў навучальнай установе ў рамках месячніка экалагічных ведаў «Прырода і чалавек»  і Года культуры.