Гуканне вясны — старажытнае свята развітання з зімой і сустрэчы вясны. 23 сакавіка члены клуба “Крылаты дазор” пяклі з цеста “жаваранкаў”, а потым звалі-гукалі вясну, праганялі зіму, радаваліся вясноваму сонцу і прылёту першых птушак.
Ідзе-крочыць па Беларусі з 1 сакавіка міжнародная кампанія “Жывая вясна”! Вестунамі «Жывой вясны» абраны пяць птушак, якіх адносна лёгка пазнаць: белы бусел, вясковая ластаўка, чорны свіргуль, звычайная зязюля і шчурка-пчалаедка. Кожнае назіранне заносіцца на адмысловую мапу, і людзі з розных краін свету разам складаюць анлайн-мапу падарожжаў птушак з поўдня на Радзіму. Кожны дзень назіранняў будзе рабіцца ўсё больш, і паступова колер мапы будзе змяняцца. У гэтым годзе міжнародная кампанія праходзіць пад слоганам «Папярэдзіць сутыкненне птушак са шклянымі паверхнямі!». Любая шкляная паверхня –патэнцыйная небяспека дл яптушак –яны падманваюцца адлюстраваннем кустоў і дрэваў, незаўважаюць перашкоды.
Вяртаюцца з выраю на родную зямлю птушкі, нясуць на сваіх крылах вясну.
Жавароначкі, прыляціце,
Вясну красную прынясіце!
Другія фотаздымкі
Ж.А.Валетка,
кіраўнік клуба КД