Меркавалася, што вясна паволі ўступае ў свае правы і дадому вяртаецца 40 выраяў. На Саракі сарока пачынае віць гняздо і прыносіць для яго 40 пруткоў. Члены клуба “Крылаты дазор” захоўваюць гэту народную традыцыю. Яны выпеклі з цеста птушачак, вадзілі карагод, высока трымалі печаных птушачак ў руцэ і спявалі веснавыя песні:
|
Жавароначкі, прыляціце,
Цёпла лецейка прынясіце.
А зімачку прыбярыце,
Бо зімачка надаела,
Нам хлебушак пераела.
|
|
Саракі - гэта свята птушак. Выкананне гэтага абраду мела сваёй мэтаю наблізіць надыход цяпла, абудзіць ад зімовага сну ўсю жывую прыроду і яшчэ пільней углядзецца высока ў неба: ці не ляцяць там нашы сябры – птушкі. Тым самым прыняць актыўны ўдзел у міжнароднай кампаніі “Жывая вясна”.
Ж. А. Валетка,
кіраўнік клуба “Крылаты дазор”