Святочнымі мерапрыемствамі ў шосты школьны дзень завяршыўся тыдзень роднай мовы. Прыгожа гучала беларускае слова з вуснаў удзельнікаў свята“Гімн роднай мове.” Звонкія радкі класікаў беларускай літаратуры і сучасных паэтаў не пакінулі абыякавымі нікога.
Не засталіся ў баку вучні 5 класа. Яны прынялі ўдзел у лінгвістычнай гульні “Адчыні таямніцу роднага слова” і даказалі: хто любіць сваю зямлю, народ, той ганарыцца мовай.
Пазнавальна і вельмі цікава прайшлі алімпійскія гульні “Ведай роднае слова” сярод вучняў 8 класа.
Усе мерапрыемствы былі прысвечаны Міжнароднаму дню роднай мовы. Яны садзейнічалі выхаванню грамадзянскасці, пачуцця патрыятызму, гонару за Радзіму, павагі і любові да роднай мовы.
Настаўнікі беларускай мовы і літаратуры