Згодна з планам работы ўпраўлення адукацыі Мінскага аблвыканкама на 2016/2017 год і з мэтай далейшага развіцця выяўленчай і дэкаратыўна-прыкладной творчасці, павышэння ўзроўню выканаўчага майстэрства педагогаў названага накірунку, распаўсюджвання лепшага вопыту работы ў галіне выяўленчага і дэкаратыўна-прыкладнога мастацтва Мінскай вобласці з 28 лістапада па 30 снежня 2016 года адбыўся абласны конкурс на лепшую сувенірную работу сярод кіраўнікоў аб’яднанняў па інтарэсах і студый выяўленчай і дэкаратыўна-прыкладной творчасці ўстаноў агульнай сярэдняй і дадатковай адукацыі дзяцей і моладзі, выкладчыкаў дысцыплін выяўленчага і дэкаратыўна-прыкладнога мастацтва ўстаноў прафесіянальна-тэхнічнай і сярэдняй спецыяльнай адукацыі.
На конкурс было прадстаўлена звыш 300 творчых работ розных накірункаў выяўленчай і дэкаратыўна-прыкладной творчасці ад устаноў агульнай сярэдняй,дадатковай адукацыі дзяцей і моладзі, прафесіянальна-тэхнічнай і сярэдняй спецыяльнай адукацыі Мінскай вобласці.
На падставе рашэння журы і палажэння аб правядзенні абласнога конкурсу на лепшую сувенірную работу “Навагодняя ёлка” ў намінацыі “Змешаная тэхніка” Сямёнава Таццяна Валер’еўна , педагога ДУА “Сярэдняя школа № 9 г. Слуцка”, заняла І месца.